PROXECCIÓN DO DOCUMENTAL: SEGADORES DA ÓRREA EN TERRAS DE CASTELA.  Unha historia de heroes no CISPAC  O Grupo de Investigación HISTAGRA organiza, en colaboración co CISPAC, a proxección de “Segadores da Órrea en terras de Castela. Unha historia de heroes”, un documental producido pola Asociación de Veciñas e Veciños de Santa Comba da Órrea. A peza audiovisual é un documental etnográfico que recupera a memoria dun fenómeno histórico, social, cultural e antropolóxico que se prolongou en Galicia durante máis de 300 anos —desde o século XVII ata os anos 60 do século pasado—.  A historia é contada a través das voces de 31 homes e mulleres que viviron en primeira persoa aquela experiencia: a emigración estacional ás segas de Castela. Un relato coral e profundamente emot...