ORCID: 0000-0002-5814-7983

Bruno Esperante (A Baña, 1988) é Profesor Axudante Doutor de Historia Económica, membro do Departamento de Economía Aplicada da Universidade de Santiago de Compostela (USC).

Licenciado en Historia (2013 USC), Máster con Premio Extraordinario en Historia Contemporánea (2014 USC), e Doutor Internacional en Historia pola Universidade de Santiago de Compostela (2020 USC) coa tese: “A moto-mecanización da agricultura en Galiza (1939-2000): políticas de innovación, mercados e comunidades labregas”, galardoada co VII Premio Valentín Paz Andrade á mellor tese de Economía do ano 2020.

Completou o seu doutoramento no Programa de Formación de Persoal Investigador na USC entre 2015/2019. Foi investigador posdoutoral Juan de la Cierva-Formación no Departament d’Història Econòmica, Institucións, Política i Economía Mundial, da Universitat de Barcelona (UB) no curso 2021/2022. Foi Profesor Axudante Doutor de Historia Económica no Departamento de Economía Aplicada, Estrutura e Historia da Universidad Complutense de Madrid (UCM) no curso 2022/2023. 

Conta con catro estancias de investigación en centros internacionais de I+D+i realizados na Universidade de Coimbra (Portugal, 2022); Trinity College of Dublin (Irlanda, 2018); Purdue University (Estados Unidos, 2017) e na Swedish University of Agricultural Science (Suecia, 2016).

As súas liñas de investigacións céntranse no análise da innovación e o cambio tecnolóxico na agricultura dende unha perspectiva socio-institucional e ambiental. 

Os seus resultados de investigación foron publicados e premiados en revistas científicas internacionais como a Rural History, Historia Agraria, ou a Revista de Historia Industrial onde foi galardoado co Premio Felipe Ruíz Martín 2022 ó mellor artigo de historia económica publicado en 2021 e outorgado pola Asociación Española de Historia Económica (AEHE). Publicou tamén material de divulgación en plataformas internacionais como a Environment & Society Portal, Arcadia editada polo prestixioso centro Rachel Carson Center xunto coa Ludwing Maximilians Universität-München (LMU München).