Os días 20 e 21 de febreiro pasados, o grupo HISTAGRA organizou, en colaboración co Departamento de Historia Contemporánea e América e o Programa de Formación e Innovación Docente (PFID) da USC a Actividade de Formación Métodos cuantitativos básicos para historiadores: Interpretación e representación de infoestatísticas para a docencia.

Esta actividade, na que participaron membros do grupo de investigación e bolseiros do departamento de Historia Contemporánea e América foi impartida pola profesora da Facultade de Económicas e Empresariais, Xulia Guntín.

O que se pretendeu foi capacitar aos asistentes ao curso na realización de análises cuantitativos básicos acaídos ao tipo de información que habitualmente manexan, así como a interpretación deste tipo de resultados e a súa representación, relacionalos e matizar as interpretacións sustentándoas cualitativamente e transmitilas e representalas graficamente en diferentes soportes e medios.

Os contidos do curso foron:

Primeira sesión
Estatísticas descritivas básicas
Distribución de frecuencias
Análise de correlación e regresión
Representación gráfica da información.

Segunda sesión
Números índices (por exemplo o IPC) e medidas de concentración (por exemplo índice de Gini) para a representación e práctica na aula.
Uso e interpretación de modelos de regresión (e econométricos) no estudio da Historia.
Emprego de aplicacións informáticas específicas para a análise, e  representación da información de carácter cuantitativo. Nocións elementais.