ORCID: 0000-0001-8417-3379 

Laura Martínez Panizo, (Ponferrada, O Bierzo, 1990). Graduada en Historia e Máster de Historia Contemporánea na Universidade de Santiago de Compostela (2016); Colaboradora do INSTITUTO DE ESTUDOS BERCIANOS desde 2015; Asesora do grupo PMNI (Patrimonio Mineiro do Noroeste Ibérico. Industrial e Arqueolóxico), integrado na CÁTEDRA DE TERRITORIOS SOSTIBLES E DESENVOLVEMENTO LOCAL da UNED; Implicada desde 2014 na procura, localización e exhumación de persoas desaparecidas como consecuencia da Guerra Civil Española e Ditadura con distintas entidades; Desde 2018, parte do equipo técnico de SPUTNIK LABREGO, proxecto centrado na resiliencia e resistencia das sociedades campesiñas en momentos históricos de grandes transformacións, desde onde se realizaron destacados estudos sobre contextos da guerrilla antifranquista e contornas asociadas ás explotacións de wolframio nos montes de Casaio (Ourense); Tese doutoral en curso sobre contextos mineiros asociados ás explotacións de carbón no noroeste de España (USC); En 2023-2024 foi premiada cunha bolsa na Real Academia de España en Roma, dentro do programa ROMA: residencias artísticas e de investigación para españois, promovida por AECID; Actualmente presta servizos como Investigadora Predoctoral no GRUPO HISTAGRA-CISPAC (USC) colaborando na elaboración do censo estatal de vítimas da Guerra Civil e a Ditadura Franquista, promovido polo Ministerio de Política Territorial e Memoria Democrática.