Histagra e Gespic organizan o Seminario Atlantic Agroecological LivingLabs no marco do CISPAC

O CISPAC responde á maduración investigadora nos ámbitos de ciencias sociais e humanas no SUG e máis á necesidade de dar respostas endóxenas de investigación ao máximo nivel ao reto de que facer coa terra que temos na perspectiva da Transición ambiental. 

O CISPAC está deseñado como un centro de investigación de nova xeración para producir coñecemento sobre as Paisaxes Atlánticas. O Centro ten un compromiso na xeración de propostas e novos modelos que contribúan a unha xestión sustentable do territorio, á análise do impacto das accións antrópica e, en consecuencia, á creación de instrumentos para a transferencia de coñecemento ao sector produtivo e á cidadanía. O CISPAC presta servizos na xestión do coñecemento e das ciencias relacionadas coas paisaxes culturais, xestión da terra e o patrimonio cultural e a memoria social e da sustentabilidade.

Hoxe venres 8 de outubro, seguindo as liñas de actuación do CISPAC, organizouse en Casa Europa (USC) o Seminario Atlantica Agriculture LivingLabs, que consiste nun conxunto de breves relatorios de produtores, investigadoras e co obxectivo de acadar un lugar de encontro e interacción sociedade e universidade. Trátase dunha metodoloxía testada en centros pioneiros de innovación coa que se procura responder de xeito colectivo a un reto global: Como pode intensificarse a produción agroecolóxica? E como deseñar un living lab de produción agroecolóxica atlántica. Unha aposta estratéxica polo New Green Deal. 

Tecer lugares de encontro universidade - sociedade é unha aposta por continuar abrindo e coñecendo as problemáticas do sector agrogandeiro galego, co obxectivo de procurar solucións aos seus retos.

@s participantes s pertencen ao ámbito da produción ecolóxica, así como ao sistema universitario galego con vencello directo co CISPAC (UdV e USC) e español (Univ. Pablo de Olavide).