Joanna Bourke (Professor of History. Dpt. of History, Classics and Archeology. Birkbeck College, University of London) inaugurou o Ciclo 100 años de la guerra que cambió la sociedad, coa conferencia: A faciana do descoñecido: a violencia e a Primeira Guerra Mundial.

A Fundación Barrié organiza, en colaboración coa Universidade de Santiago de Compostela e o Grupo HISTAGRA, este ciclo de conferencias que pretende achegar ao público as circunstancias e as consecuencias que rodearon a xénese, o desenvolvemento e a hecatombe da primeira gran conflagración que sacudiu á Europa do século XX, contando co enfoque de especialistas que achegan diferentes olladas sobre a I Guerra Mundial desde áreas de coñecemento como a historia, a socioloxía, o cinema e a literatura.