Mañá, venres día 10 de outubro ás 09.00h, comezará no Edificio de Ferro do Campus As Lagoas (Ourense) o 5º Ciclo de conferencias Mundo Hispano-Atlántico: Liñas e novas perspectivas de investigación en Galicia: historia, arte e xeografía.

O obxectivo do Encontro é achegar ao alumnado de historia fundamentalmente, aínda que está aberto a todos os interesados, das liñas de investigación que nas diferentes facetas da historia, arte e xeografía de Galicia se están a desenvolver no país. Un xeito ameno de introducir aos novos profesionais en ciencias sociais nas liñas de pescuda máis innovadoras.

O membro de HISTAGRA, Daniel Lanero Táboas participa no Encontro o día 10 de outubro co relatorio Modernización económica vs conflictividade socio ambiental: a Autoestrada do Atlántico. (1975-1985).

Comité organizador:
María López Díaz
Francisco J. Pérez Rodríguez
Mercedes Durany Castillo
M.ª Beatriz Vaquero Díaz
Montserrat Iglesias Gómez