Acaba de saír á rúa a publicación  Lidiando con el pasado. Represión y memoria de la guerra civil y el franquismo, cuxos editores son os profesores Peter Anderson (Universidad de Leeds) e Miguel Ángel del Arco Blanco (Universidad de Granada). Está publicada en Granada dentro da colección Historia da editorial Comares.
O volume conta cun traballo do membro de HISTAGRA, Antonio Miguez Macho que leva por título  “El concepto de práctica genocida y la cuestión de la impunidad en España”. Os editores tamén presentan cadansúa contribución: P. Andreson con “Escándalo y diplomacia. La utilización de los consejos de guerra para mantener la represión franquista durante la guerra civil” e M. A. del Arco Blanco, “La lucha continúa: represión y resistencia cotidiana en la España de posguerra”. Ambos son membros do Proxecto de Investigación Mecanismos de adaptación social en contextos de violencia estatal masiva do que é IP Miguez Macho.

Os outros autores son: Encarnación Barranquero Texeira (Universidad de Málaga), Francisco Cobo Romero (Universidad de Granada), Gutmaro Gómez Bravo (Universidad Complutense de Madrid), Jorge Marco (Universidad Complutense de Madrid), Teresa María Ortega López (Universidad de Granada), Paul Preston (Catedrático Príncipe de Asturias de Historia Contemporánea), Lucía Prieto Borrego (Universidad de Málaga), Michael Richards (Universidad de West of England de Bristol) e María Thomas (Universidad de Exeter).

Con este traballo, os autores ofrecen novos resultados relativos á represión franquista durante a guerra civil e na ditadura. Partindo de debates actuais, e desde perspectivas diversas, o traballo reflexiona sobre a represión acaecida na zona rebelde durante a guerra así como a violencia da zona republicana, explicando tanto o seu funcionamento como fenómeno anticlerical. Igualmente, abórdase a represión franquista de postguerra, analizando a política penitenciaria, a represión cultural e socioeconómica, e a guerrilla antifranquista. O concepto de xenocidio tamén é obxecto de reflexión.

Ligazóns:
http://luciaprieto.wordpress.com/2014/03/21/lidiando-con-el-pasado/
http://www.editorialcomares.com/TV/articulo/2828-Lidiando_con_el_pasado.html