HISTAGRA coordinou o acto de reparación celebrado en Celanova  coa entrega dos restos mortais dos asasinados polo franquismo aos seus familiares

 

 

O grupo HISTAGRA, como un dos membros do Plan de Memoria democrática de Galicia 2021-2024 completou onte xoves 22 de xuño as tarefas iniciadas en 2022 na Fosa dos asasinados polo franquismo en Celanova en 1939.

 

 

O acto estivo presidido polo alcalde de Celanova, Antonio Puga, o sub-delegado do goberno en Ourense, Emilio González, a Consejera de  Presidencia do Principado de Asturias, Rita Camblor e o IP do Plan de Memoria Democrática, Lourenzo Fernández Prieto

 

 

En novembro de 2022 o equipo do Plan de Memoria -coa inestimable axuda da Comisión de Memoria democrática de Celanova- interviu no cemiterio de San Breixo, Celanova, na procura dos restos de Abelardo Suárez del Busto, Alfonso Moreno Gayol, Baldomero Vigil Escalera Vallejo, Belarmino Álvarez García, Guillermo de Diego Álvarez, Marcelino Fernández García e Mariano Blanco González. Todos eles foron asasinados, tras ser condenados a pena de morte, o 22 de setembro de 1939, contra as tapias do propio cemiterio, polas forzas da Bandeira de Fet de las Jons de Marruecos. Deles, lográronse identificar os restos de Marcelino e Abelardo, que onte xoves foron entregados á súa filla e netos para trasladalos a Gijón, onde descansarán para sempre.

 

 

Sobre os traballos na fosa de Celanova e os informes públicos ver:

 

 

https://www.nomesevoces.net/lugares/fosas/30/fosa-no-cemiterio-de-celanova