Os obxectivos Máster oficial interuniversitario en Historia Contemporánea da USC, coordinado polo Profesor Eduardo Rico Boquete, son crear unha escola de historiadores contemporaneistas, na que se adquiran os coñecementos e as técnicas necesarias para poder acometer traballos de investigación en historia, ben sexa como historiador profesional, ben sexa noutros campos profesionais como o periodismo, a museística, a animación cultural, a docencia, a edición, a análise social e política... Froito da unión de oito universidades de primeira fila, o noso máster caracterízase por ser:

Interuniversitario, con grupos de traballo virtuais. O campus virtual forma parte do módulo I e ofrece a posibilidade de traballar en grupos con alumnos procedentes das oito universidades participantes. Esta ferramenta tamén mellora o contacto co profesorado, facilita a distribución de materiais e a entrega de traballos e é unha ventá para achegarse á historia na rede.

Cun curso de verán en Santander. Os alumnos matriculados no Máster poden optar a unha bolsa de mobilidade para a súa asistencia ao curso de verán en Santander, que habitualmente ten lugar no mes de xullo. No ámbito único que constitúe o Pazo da Madalena complétanse ensinanzas do módulo I cunha escola de verán á que asisten todos os alumnos das diferentes sedes.

Trátase dunha oportunidade excelente para poñer en común os coñecementos adquiridos ao longo do curso e para entrar en contacto con toda unha xeración de historiadores contemporaneístas. O traballo desenvólvese, a partir dun informe de lecturas previas, nunha serie de conferencias e debates.

Un máster oficial, con mención de calidade e financiamento externo.

Seis das universidades participantes foron seleccionadas como Campus de Excelencia Internacional polo Ministerio de Educación.

Flexible e compatible coa vida laboral.

Con sistemas de garantía de calidade. Institucionalmente cada universidade participante no programa posúe os seus propios órganos responsables do seguimento e garantía de calidade dos Masters Oficiales, é dicir, as conseguintes unidades do SGIC.nimación cultural, a docencia, a edición, a análise social e política... Froito da unión de oito universidades de primeira fila, o noso máster caracterízase por ser:

Matrícula provisoria: 9 de xullo ao 7 de setembro

Coordinador: Eduardo Rico Boquete
Centro: Facultade de Xeografía e Historia. Santiago de Compostela
Tel.: 8818 12574 ·Interno USC: 12574
Mail: eduardo.rico@usc.es
Web: http://www.uam.es/departamentos/filoyletras/hcontemp/posgrado/presentacion.htm