HISTAGRA e o Laboratorio Eco social do Barbanza participan no Seminario Os retos actuais dos montes de veciños

O mércores 30 de novembro ás 19 h. no Audirorio Municipal de Rianxo terá lugar a xornada aberta "Os retos actuais dos montes de veciños".

O acto contará coa presenza dos investigadores de HISTAGRA Xesús L. Balboa, David Fontán Bestilleiro e Roque Sanfiz Arias

A través das intervencións de Xesús Balboa (Universidade de Santiago), Xavier Simón (Universidade de Vigo-CISPAC) e Rubén Leboreiro (EDAFOTEC) e dun debate posterior cos asistentes, abordaranse a traxectoria xurídica da propiedade comunal e o papel dos montes veciñais na transición ecolóxica (a enerxía eólica e a captura de CO2). 

Aínda que a xornada vai dirixida ás comunidades de montes, de seguro que será relevante para outras persoas interesadas nestes temas. 

Datos:

Lugar: Auditorio Municipal de Rianxo (Autores da Rianxeira, s/n (Parque Galicia)

Hora: 19-20:30 h

Día: 30 de novembro de 2022