A investigadora de HISTAGRA Margarita Barral Martínez presenta un relatorio no VIII Convegno Internazionale di StudiLa Città Altra / The Other City que se celebra en Nápoles  do 25 ao 27 de outubro de 2018. O seu traballo leva por título: A xestión cultural de novos espazos urbanos como imaxe de cidade: Santiago de Compostela (1909-1940).

Sobre o traballo:

A finais do s. XIX, desde o punto de vista urbano, a cidade de Santiago de Compostela seguía definíndose polos contrastes: ao carón de amplias prazas e rúas estreitas atopábase unha importante rede de escuras corredoiras e costas pronunciadas. Uns contrastes que tamén se encontraban nos edificios, onde convivían os templos relixiosos e outros palacios con construcións que pertencían aos habitantes máis humildes. A Exposición Rexional Galega que tivo lugar na cidade en 1909, coincidindo coa celebración do Ano Santo, desde o punto de vista urbano consolidou a apertura cara ao sur do ensanche moderno, no antigo lugar onde hoxe se sitúa o Campus Vida da Universidade de Santiago. Historiar a evolución deste espazo, ademais do significado da Exposición desde diferentes puntos de vista (económico, social e político) é a pretensión deste relatorio.

Sobre o Congreso:

https://www.eikonocity.it/2017/12/08/la-citta-altra-the-other-city/

Napoli, Palazzo Gravina - 25/27 outubro de 2018
Centro Interdipartimentale di Ricerca sull'Iconografia della Città Europea (CIRICE)