Nova publicación dun membro de HISTAGRA
Acaba de saír á luz o libro, Verdugos impunes. El Franquismo y la violación sistémica de los derechos humanos no que participa como autor o membro de HISTAGRA, Antonio Miguez Macho, xunto a José Babiano, Gutmaro Gómez e Javier Tébar.
Sobre o libro:
En Verdugos Impunes dáse conta dos feitos históricos que dan testemuño que o franquismo atentou contra os dereitos humanos dos cidadáns de España de forma metódica e sistemática. E fíxoo creando estruturas estatais, modificando a lexislación vixente e contando coa colaboración das forzas policiais, as clases dirixentes e o estamento eclesiástico.
HISTAGRA na publicación:
Antonio Miguez Macho é doutor en Historia e investigador no Departamento de Historia da USC a través do programa Ramón y Cajal. As súas liñas de investigación son: historia dos movementos sociais e os procesos de construcción da cidadanía. Actualmente pretende proseguir as súas investigacións sobre a formación da clase obreira e a loita pola adquisición de dereitos-deberes de cidadania, ampliando a súa perspectiva temporal e espacial. En particular, está interesado en analizar en qué sentido os réximes de
signo totalitario como o franquismo, puideron influír na configuración dos valores e actitudes cidadás do pasado e presente expresados na sociedade civil e os seus actores colectivos.
Ligazons de interese:
http://pasadopresente.com/component/booklibraries/bookdetails/2018-02-14-09-52-24