HISTAGRA, no afán por recuperar a memoria agraria e política do país, ven de recuperar, dixitalizar e catalogar un importante fondo xornalístico do primeiro terzo do século XX. Grazas á colaboración co investigador Perfecto Ramos Rodríguez de Sendelle (Pontevedra) e á familia de Marcelino Gómez Arias, o Grupo pon á disposición de todos dos investigadores interesados un dos fondos inéditos máis destacado do agrarismo, republicanismo e emigración do primeiro terzo do S. XX.

A documentación recuperada é a que segue:

Xornais:

La España Moderna. Tandil (Arxentina) Nº1 (3 de agosto de 1907) a Nº51 (8 de agosto de 1908)
La España Moderna. Lisboa (Portugal) Nº1 (10 de outubro de 1908) a Nº8 (28 de novembro de 1908)
El Clamor Español. Lisboa (Portugal) Nº1 (6 de febreiro de 1909) a Nº25 (12 de maio de 1909)
Tierra Libre 1ª Etapa. Angudes-Crecente (Galiza) Nº1 (1 de novembro de 1913) a Nº7 (14 de xuño de 1914)
Tierra Libre 2ª Etapa. Angudes-Crecente (Galiza) Nº1 (1 de maio de 1915) a Nº2 (1 de xuño de 1915)
El Amigo del Pueblo. Angudes-Crecente (Galiza) Nº1 (15 de maio de 1919) a Nº2 (1 de xuño de 1919)
Tierra Libre.3ª Etapa. Angudes-Crecente (Galiza) Nº1 (29 de xuño de 1922) a Nª18 (6 de xuño de 1923)

Tamén un exemplar de El Despertar Gallego e outro de La Zarpa que forman parte do material legado por Marcelino Gómez Ariase conservado polo seus descendentes.

E tamén un exemplar de Aires del Miño e outro de El Eco del Condado que, aínda que non pertencen ó legado de Marcelino Gómez Arias, son dous documentos escasos e importantes para a historia da comarca pontevedresa.

Anuncio de mitins agrarios:

Folla de anuncio dun mitin celebrado en Arbo en 1923

Folla anuncio dun mitin celebrado na Cañiza en 1923

Todo isto foi posible grazas a colaboración da neta de Marcelino Gómez Arias, Lucrecia, que cedeu os orixinais para que puideran ser postos á disposición dos investigadores e demais persoas interesadas e moi especialmente a Perfecto Ramos Rodríguez. Foi el quen recuperou a figura de Marcelino Gómez Arias, a súa historia e as súas loitas, que plasmou na obra: Marcelino Gómez Arias. Unha vida dedicada á loita pola república e o agrarismo