O Investigador Principal do Grupo HISTAGRA, Lourenzo Fernández Prieto está a participar na Princeton University (USA) no ciclo de seminarios, clases e actividades de doutoramento organizados polo Department of Spanish and Portuguese Languages and Cultures e polo Department of History que se desenvolven entre o 5 e 8 de outubro de 2015.

Lourenzo Fernández Prieto, en calidade de Oates Visittin Professor do Department of Spanish and Portuguese Languages and Cultures, presenta parte da investigación desenvolta desde o Grupo coa conferencia, Scientific Peasants. From agrarian engineering to social engineering in the Twentieth Century, amais de levar a cabo seminarios ao redor do estudo do franquismo, a ditadura e a memoria.

Catedrático de Historia Contemporánea da Universidade de Santiago de Compostela. Entre as súas publicacións destacan: con Aurora Artiaga (eds.) Otras miradas sobre golpe, guerra y dictadura. Historia para un pasado incómodo, La Catarata, (2014); Agriculture in the Age of Fascism. Authoritarian Technocracy and Rural Modernization, 1922-1945 con Miguel Cabo Villaverde e Juan Pan-Montojo, Ed. Brepols (2014); xunto a Miguel Cabo Villverde, Ana Cabana, Daniel Lanero e Antonio Miguez (eds.) do número 5 da revista Wokers of the world "Conflitividade no mundo rural contemporáneo: novas lecturas dun vello problema" (2014), entre outros.

Ligazóns de interese:
Short-Term Visiting Fellows 2015-16
Spanish and Portuguese Languages and Cultures
Council of the Humanities - Past Events