Os días 21 e 22 de maio o proxecto de investigación Mecanismos de adaptación social en contextos de violencia estatal masiva. O caso de Galicia (1936-1939) en perspectiva comparada dirixido polo membro de HISTAGRA Antonio Miguez Macho celebra o seminario de debate: Actitudes sociais en contextos de violencia masiva. Perspectivas comparadas, onde os investigadores que conforman o proxecto exporán as investigación realizadas ao abeiro do desenvolvemento do proxecto.

Aínda que se trata dun seminario de carácter interno, está aberto a calquera interesado/a no tema.

A represión e a violencia de retagarda na Guerra Civil española ten sido analizada desde diversas perspectivas nas últimas décadas. Con todo, existe moita menos investigación no que respecta ás actitudes da “xente corrente” mentres estes procesos de violencia traumática sucedían. Esta cuestión particular relaciónase con inquedanzas que trascenden a propia dinámica da Guerra Civil española e refírense a como determinados contextos de violencia poden mudar a natureza dunha sociedade democrática e dos seus cidadáns. Proponse con este proxecto investigar e analizar o carácter e características principais dunha sociedade sacudida por certo tipo de violencia masiva a partir do mellor coñecemento dos comportamentos das súas xentes, alén das dicotomías vítimas e verdugos. Tomarase como caso de estudo o de Galicia entre 1936 e 1939, empregando unha perspectiva comparada que inclúa o contraste das experiencias vividas noutras rexións de España, Europa e América que viviron situacións de violencia estatal masiva equiparables.

Programa:

Xoves 21 de maio, Consello da Cultura Galega (Pazo de Raxoi, 2º Andar)

9:30/10:30: Inauguración do seminario e Relatorio introdutorio do Investigador principal do Proxecto, Antonio Miguez Macho
10:30/12:00: Peter Anderson e Miguel Ángel del Arco: “El sentido de la propiedad y la forja de la comunidad nacional franquista”. Modera: Lourenzo Fernández Prieto
12:30/14:00 Claudio Hernández Burgos: “El funcionamiento cotidiano de la represión franquista durante la posguerra (1936-1951)”. Modera: Aurora Artiaga Rego
16:00/17:30 Óscar Rodríguez Barreira: “Señor ten piedad… Identidad, impostura y armas de los débiles frente a la represión franquista”. Modera: Daniel Lanero Táboas
18:00-19:30: Erik Zubiaga: Lo que no pudo hacer Zumalacárregui, lo vamos a hacer nosotros. El «castigo», la «conquista de almas» y las actitudes sociales en Bizkaia durante la inmediata posguerra (1937-1942). Modera: Antonio Miguez Macho

Venres 22 de maio, Consello da Cultura Galega (Pazo de Raxoi, 2º Andar)

09:30/11:00: Julio Lisandro Cañón Voirín: “Jerarquía militar, patriciado local y nobleza cultural, un entramado de relaciones en perspectiva microhistórica. Concepción del Uruguay 1976-1983”. Modera: Eduardo Rey Tristán
11:30/13:00: Concepción López e Magali Trillo: “Las actitudes sociales ante el golpe. La intermediación a través del caso de Bueu”. Modera: Antonio Miguez Macho
13:00/14:00 Conclusións e previsións futuras