Entre os días 21 e 22 de novembro terá lugar en Barcelona o VIII Encuentro Internacional de Investigadores del Franquismo no Centre d’Estudis i Recursos Culturals – Diputació de Barcelona (Montalegre 7), organizado polo Centre d´Estudis sobre les Èpoques Franquista i Democràtica (CEFID-UAB) e a Fundació Cipriano García de CCOO de Catalunya, coa colaboración da Red de Archivos de CCOO.

Membros do Grupo HISTAGRA presentarán as seguintes comunicacións:

• Aurora Artiaga: “Propaganda y movilización civil en el golpe de Estado de 1936. Galicia, ¿una Nueva Covadonga?”

• Alba Díaz-Geada: “Movilización social y transición política en el rural gallego: la oposición a la central nuclear de Xove (Lugo)”.

• Eduardo Rico e Amelia Branco: “La Península Ibérica como ‘reserva forestal de Occidente’. Las políticas de repoblación forestal en España y Portugal durante el periodo 1938-1971”.

O Encontro desenvolverase ao longo de dúas xornadas completas. A meirande parte do tempo estruturarase en catro sesións durante as cales funcionarán obradoiros simultáneos dedicados ao debate das temáticas formuladas polas comunicacións presentadas; previamente, o comité científico haberá asinado as comunicacións, en función dos seus contidos, aos distintos obradoiros. Como conclusións, realizarase un plenario de balanzo.

A estrutura será a seguinte:

• Pensamento, arte e ideoloxías
• Culturas e exilio
• Discursos, imaxes e identidades
• Institucións e organizacións franquistas
• Políticas públicas
• O franquismo e o mundo
• Economía e sociedade
• A represión e as súas vítimas
• Movementos sociais e oposición política