Comezan os traballos na fosa da violencia franquista de Ribeiras do Sor
Comezan os traballos na fosa da violencia franquista de Ribeiras do Sor
Mañá martes 17 de novembro dará comezo a intervención arqueolóxica no cemiterio de San Cristovo de Ribeiras do Sor, baixo a dirección de Sergio Sánchez. Está previsto que os traballos se prolonguen ata o venres, día 20 de novembro.
Trátase dun enterramento en posición secundaria no que supostamente se atopan os restos de sete persoas asasinadas sen execución de sentenza o 28 de outubro de 1936: Rufino Aneiros Loureiro, Luís Barge Leonardo, Manuel Díaz García, José Díaz Meijido e José Riola Martínez, veciños de Cedeira; e José Gómez Díaz e Manuel Breijo Lorenzo, veciños de Ortigueira.
Aínda que non se trata da fosa primaria, puidemos acoutar as datas do traslado dos restos, que podería terse realizado entre os anos 1958 e 1969; se ben a memoria familiar indica a data de 1969.