HISTAGRA convoca catro contratos de investigación

 

O Grupo de Investigación HISTAGRA convoca catro contratos de investigación ao aveiro do convenio entre a Administración Xeral do Estado (Ministerio de Política Territorial y Memoria Democrática) e a Universidade de Santiago de Compostela (Grupo Histagra-CISPAC) para a elaboración do censo estatal de vítimas, coordinado por Antonio Miguez Macho e Lourenzo Fernández Prieto.

 

A.- Un contrato indefinido de actividades científico-técnicas, conforme ao artigo 23 bis da Lei 14/2011, do 1 de xuño, da ciencia, a tecnoloxía e a innovación

 

B.- Dous Contratos de persoal investigador predoutoral modalidade Lei 14/2011 da ciencia, a tecnoloxía e a innovación 

 

C.- Un Contrato por circunstancias da produción 

 

 

PROCEDEMENTO DE PRESENTACIÓN DE SOLICITUDES

A presentación das solicitudes realizarase unicamente por medios electrónicos a través dos formularios normalizados dispoñibles na sede electrónica da Universidade de Santiago de Compostela,
https://sede.usc.es/formularios/solicitudes/contratacion.htm Para a presentación das solicitudes poderá empregarse calquera dos mecanismos de identificación e sinatura admitidos pola sede electrónica da
Universidade de Santiago de Compostela https://sede.usc.es/sede/publica/informacion/aspectosTecnicos.htm A documentación complementaria presentarase electronicamente utilizando calquera procedemento de copia dixitalizada do documento orixinal. Neste caso, as copias dixitalizadas garantirán a fidelidade co orixinal baixo a responsabilidade da persoa solicitante.

O prazo de presentación de solicitudes será de CINCO (5) días hábiles contados a partir do seguinte ao da publicación desta convocatoria. A solicitude irá asinada pola persoa interesada.

 

 

O persoal contratado colaborará e traballará especifica e unicamente na actividade ou proxecto de investigación para o que é contratado, que é de carácter finalista e en todo caso non estrutural, mediante o financiamento externo a través da participación en convocatorias públicas ou privadas, subscrición de convenios, concesión de subvencións, etc., sen prexuízo do establecido na Lei 53/1984, do 26 de decembro, de incompatibilidades do persoal ao Servizo das administracións públicas.

 

A forma de provisión será a de concurso de méritos, a través da valoración dos criterios de baremación establecidos para cada praza.

 

 

Máis información:

 

https://imaisd.usc.es/guiaconvocatorias.asp?i=es&s=-2-26-128-129&id=5142&t=9&st=0