Ábrense dilixencias por parte da Fiscal Delegada en materia de Dereitos Humanos, da Coruña, a partir das investigacións e os achados do Plan de Memoria Democrática de Galicia na fosa de Vilacova (Lousame)

 

A Fiscal Delegada en materia de Dereitos Humanos e Memoria Democrática da Fiscalía Provincial de A Coruña, en coordinación coa unidade de dereitos Humáns e Memoria Democrática da Fiscalía Xeral do Estado, instrúe por primeira vez dilixencias de investigación preprocesais, a raíz dos traballos executados polo Plan de Memoria Democrática de Galicia, dende o ano 2021. 

 

Segundo indican os arts. 21.1, 22.1 e 24 da «Ley 20/2022, de 19 de octubre, de Memoria Democrática» (LMD), o grupo HISTAGRA puxo en coñecemento do Ministerio Fiscal a aparición de restos humanos como consecuencia das intervencións de busca, localización e exhumación de persoas desaparecidas, levadas a cabo no cemiterio de Sta. Eulalia de Vilacova, no termo municipal de Lousame. En consecuencia, por Decreto da Fiscal Xefe da Fiscalía Provincial de A Coruña, de 1 de decembro, de 2024, encomendoulle á Fiscal con competencias para que tramitara os expedientes gobernativos e as dilixencias que estime pertinentes.

 

Deste xeito, actúase co indicado no Capítulo II, do Título II, da LMD, que, de xeito novidoso, establece a creación de «un Fiscal de Sala para la investigación de los hechos que constituyan violaciones del Derecho Internacional de los Derechos Humanos y del Derecho Internacional Humanitario, incluyendo los que tuvieron lugar con ocasión del golpe de Estado, la Guerra y la Dictadura».